Hau Maluk

Hau Maluk

Madrugada Ida Ne’e Rai Hun Mutin
Manu berliku hakilar, manu aman kokorek
hau loke matan, hader haksimuk raihun mutin

Mahon be'en oan Haksulik
habokon buat ksalak nebe tebar hikas
naben neneik sulin hanesan lilin mutin
hatada lian mukit lulik habe’en hahalok a’at

Sei hakotu dunik tuir lisan lulik biti lulik
husi knua oin-oin rai lulik Timor
hanesan manu aman kokorek husi rai ulun
simu hasoru kokorek fila husi rai ikun

Hau Maluk
lian beran sei hakotu duni husi ahi matan bo’ot
ahi matan nebe mak hamanas naksalak sira sai lo’os
harahun fatuk, no sobu tiha malisan a’at nebe leu iha ita ain kloor
hau Maluk ho hau mak sei harahun